भांगरभूंय | प्रतिनिधी
पयरुच हांव आॅपरेशन सिंदूरा विशीं खबरो आयकताले. तातूंत आमच्यो दोन बायलो आशिल्ल्यो. कर्नल सोफिया कुरेशी आनी विंग कमांडर व्योमिका सिंग. तांचे विशीं कितें कितें आयकूंक आयलें तशें पळोवंक गेल्यार आमच्या भारतांत पयलीं पसून बायलो कर्तबगार. झाशीची राणी, शिवाजी महाराजांची भयण राणू अशीं बऱ्याच जाणांचीं नांवां सांगूं येतात. देशा खातीर, बायलांच्या शिक्षणा खातीर, स्वातंत्र्या खातीर बायलांनी खूब केलां. तरीय आसतना आमच्या बायलांनी कितेंय बरे केल्यार तांकां नांवां दवरप हें आसताच.
आयज बायलां सगल्या कामांनी मुखार आसतात. आयज तांणी दाखोवन दिलां की दादल्यां परस आमी कित्यांतूच कमी ना म्हूण. प्रधानमंत्री, राष्ट्रपती जालीं. आयज बायलो गाडी चलयताच, पायलट पसून जाल्यो. रिक्षा, ट्रक पसून चलयतात. आनीक कितें जाय? पुलीस तर आसातूच. किरण बेदन केदें नांव केले. आयज पेट्रोल पंपार पसून पेट्रोल भरपाक चलयो आसतात.
आदल्या तेंपार बायलांक नोकरी करपाक बंदी आशिल्ली. घराण्याचें नांव इबाडटलें अशें दिसतालें. आतां तशें उरूंक ना. बायलो अंतराळवीर पसून जाल्यो. आमच्या देशाचें नांव वयर काडलें. आमच्यो देवी पसून पळयल्यार हातांत शस्त्रां घेतिल्लीं दिसतात. आयज बायलो सगल्या मळांचरे नांव करतात. ते पळोवन म्हाका हांव ह्या देशाचें नागरीक म्हूण अभिमान दिसता.
– शु्भांगी नेवरेंकार
7875444752
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
