भांगरभूंय | प्रतिनिधी
लुकसाण जाल्यार शेतकारांक लुकसाण भरपाय मेळटली
पणजी : राज्याचे कृषीमंत्री रवी नायक हे जायते फावटीं गंभीर विशयाचेर आपलें मत मांडून वा टिप्पणी करून विनोद निर्माण करतात. अधिवेशना पयलीं हतयान केल्ले लुकसाणे विशीं उलयतना तांणी म्हणलें, हती लोकांक मेळपाक आयला. ताका मेळुंनी.
हती हें गणेशाचें रूप. गणपतीक सगले मानतात. हती लोकांक मेळपाक आयल्यात. ताका मेळूंदी, अशें तांणी म्हणलें.
सिंधुदुर्ग जिल्ह्यांतल्यान गोंयचे हद्दींत आयिल्लो हती सध्या उगवें, तांबोशेंच्या वाठारांत रावला. ताका मूळ सुवातेर धांवडावपाचे यत्न चालू आसा. तरी आजूनय ह्या यत्नांक येस येवंक ना. उगवें, तांबोशें, तोर्से भागांत ह्या हतयान शेतां वांगडा बागायतीचेंय लुकसाण केलां. दिसान दीस हतया कडल्यान शेती तशेंच बागायतीच्या लुकसाणेंत वाड जायत आसा.
शेती आनी बागायतीचे लुकसाणेची अधिकार्यां वरवीं पळोवणी करतले. जर कोणायचें लुकसाण जालां जाल्यार त्या शेतकाराक लुकसाण भरपाय मेळटली, अशी म्हायती कृषी मंत्री रवी नायक हांणी दिली
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
