भांगरभूंय | प्रतिनिधी
मुंबय, खबरां संस्था: दसरो-दिवाळेच्या ह्या दिसांनी नोकरी करपी दरेकल्याची पगार वाडून येवपाची अपेक्षा आसता. होच आसता ’दिवाळी बोनस’. सध्या ह्या बोनसाक लागून रेल्वेचे कर्मचारी बरेच उमेदीन आसात. हाचें कारण म्हळ्यार दिवाळेच्या साधारण म्हयन्या पयलींच केंद्र शासनान कर्मचार्यांक बोनस दिवपा खातीर निधीक मंजुरी दिल्या.
बोनस म्हणून कितली रक्कम मेळटली?
हालींच जाल्ले कॅबिनेट बसकेंत रेल्वे कर्मचार्यांच्या बोनसा विशीं निर्णय घेतलो. जातूंत क (उ) आणि ड (ऊ) श्रेणींतल्या कर्मचार्यांक अंदूं वर्सा खातीर 78 दिसांचो बोनस दितले अशें जाहीर केलां. ह्या निर्णयाक लागून मुळ रेल्वे कर्मचार्यांची दिवाळीच न्हय तर दसरोय उमेदीन वतलो.
उपलब्ध म्हायती प्रमाण, ह्या निर्णयाचो सरळ फायदो 11.5 लाख कर्मचार्यांक मेळटलो. बोनसाची ही वाढीव रक्कम सरळ कर्मचार्यांच्या खात्यांत बेगीनूच जमा करतले. रेल्वेच्या विवीध विभागांनी आनी श्रेणी प्रमाण काम करपी ट्रॅक मॅनेजर, लोको पायलट, ट्रॅक मॅनेजर (गार्ड), स्टेशन मास्तर, पर्यवेक्षक, तंत्रज्ञ, तंत्रज्ञ मदतनीस, पॉयंट्समॅन, मिनिस्ट्रीअल स्टाफ आनी हेर श्रेणींतल्या कर्मचार्यांक हो बोनस लागू आसतलो. रेल्वेंत सेवेंत आशिल्ल्या नॉन गॅझेटेड कर्मचार्यांक दर वर्सा केंद्रा वतीन ही खासा भेट मेळटा. हे रकमेचो उल्लेख ’प्रोडक्टिविटी लिंक्ड बोनस’ म्हणून करतात.
बोनस म्हणून कितली रक्कम मेळटली?
कर्मचार्यांक 78 दिसांचो उत्पादकता लिंक्ड बोनस मेळटलो, जाची चडांत चड रक्कम दर कर्मचारी 17,951 रुपया आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
