भांगरभूंय | प्रतिनिधी
फोंडें : एक शिक्षणीक हब म्हूण फर्मागुडीच्या गोंय अभियांत्रिकी म्हाविद्यालयाचो वाठार गतीन नांवारुपाक येता. अश्या वेळार ह्या वाठारांत आयआयटी सारको प्रकल्प येता जाल्यार ताका येवकार दितले, अशें वीज मंत्री सुदिन ढवळीकार हांणी सांगलें.
फर्मागुडी वाठारांत पांच लाख चौखण मिटर जमीन निश्चीत आसा. थंय आयआयटी प्रकल्प उबारब शक्य आसा. आयच्या वेळार अतिरिक्त जमीन लागल्यार ती लेगीत मेळोवप सोंपें आसा. शिक्षणीक हबा खातीर लागपी साधन सुविधा थंय निर्माण जाल्यात. आदले मुख्यमंत्री मनोहर पर्रीकार हांणी लेगीत ज्या वेळार हो प्रकल्प गोंयांत हाडचे कातीर यत्न केल्ले त्या वेळार आपणे तांकां फर्मागुडी वयलीच जमीन सुचयल्ली. प्रकल्प थंय उबारपा खातीर त्या वेळार मुळाव्या पांवड्याचेर सोपस्कार लेगीत केल्ले. एमआयटी प्रकल्रप लेगीत थंय उपरांत सुरू जालो, अशें मंत्री ढवळीकार हांणी सांगलें. कोडार संबंदांत उलयतना मंत्री ढवळीकार हांणी सांगलें, जर खऱ्यांनीच लोकांच्यो बागायती आसत आनी त्या बागायतींचें लुकसाण जातलें जाल्यार सरकार निश्चितूच थंय प्रकल्प उबारचें ना. पूण हो निर्णय सरकारान घेवपाक जाय, हाचेर आपूण कांयच उलोवचों ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
