भांगरभूंय | प्रतिनिधी
2851 उमेदवारांनी दिल्ली परीक्षा
पणजी : पुलीस उपनिरिक्षकांच्या 187 पदां खातीर घेतिल्ले पयले सीबीटी परिक्षेचो निमाणो निकाल कर्मचारी भरती आयोगान जाहीर केला. आयोगाचे वेबसायटीचेर तो आसा. हंगामी निकाला उपरांत आयिल्ल्या कागाळींचो विचार केले उपरांत निमाणो निकाल आयोगान जाहीर केलो. पीएसआय पदां खातीर 10 ऑगस्ट दिसा आयोगान घेतिल्ले पयले सीबीटी परीक्षेक 2851 उमेदवार बशिल्ले.
पयले सीबीटी परीक्षे उपरांत पीएसआय खातीर शारिरीक तांकीची तपासणी (पीईटी) जातली. हे तपासणे खातीर कसलेच तरेचे गूण आसचे नात. हे तपासणे उपरांत दुसर्या सीबीटी परीक्षे खातीरची पात्रताय वळेरी जाहीर करतले. जितलीं पदां आसतलीं ताचे 15 पटीन (दरेका गटा खातीर) पीईटी खातीर उमेदवारांची निवड करतले.
पीएसआयच्या 187 पदां खातीर 30 पदां बायलां खातीर राखीव आसात. दादल्यांच्या गटांत 157 पदां मदल्या 80 सामान्य गटां खातीर आसात, जाल्यार हेर एसटी, ओबीसी खातीर राखीव आसात. बायलांच्या 30 पदां मदल्या सामान्य गटांत 14 सुवातो आसा. हेर सुवातो राखीव आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
