भांगरभूंय | प्रतिनिधी
पेडणें: ओंकार हत्ती फाटल्या पांच दिसां सावन तांबोशेंच्या शेतांनी, मळ्यांनी भोंविल्ल्यान शेतकारांचें व्हडा प्रमाणांत लाखांनी रुपयांचें लुकसाण जालां. शेतकार भियेल्यात. लुकसाण जाल्ल्या शेतकारांनी ह्या ओंकार हत्तीचो बेगोबेग कितेंय उपायक काडचो अशी मागणी केल्या.
सध्या ओंकार हत्ती खंय लिपून बसता? हें सहज लक्षांत येना. ह्या मळ्यांत सुरवातेकूच व्हडा प्रमाणांत तण वाडलां. सध्या तें तण रान खातें आनी कृषी खात्या वतीन कापपाचें काम झुजा पांवड्यार सुरू जालां. हें व्हड तण कापले उपरांत हती खंय वता, खंय लिपून बसता हें रान खात्याच्या सहज लक्षांत येतलें. उपरांत ताका धरपा खातीर वा ताका महाराष्ट्राचे शिमेर धांवडावपाक सध्या बरेच यत्न चालूच आसात.
ओंकार हतयान तांबोश्यां बरेच दीस रावलो.
ज्या दिसा सावन ओंकार हती पेडणें म्हालांतल्या कळशी, मोपा, तांबोशें-तोरश्यां वाठारांत तांणी आपलो मोर्चा व्हेलो. मात तांबोशें गांवांत तो रावलो आनी व्हडा प्रमाणांत शेतकारांचें लुकसाण करपाकूय सुरवात केली. हाका लागून शेतकार चिंतेस्त जाल्यात. जाल्यार दुसरे वटेन रान खात्याचे अधिकारी, कर्मचारी ह्या हतयाचेर नदर दवरून आसा. ह्या हतयाचो बंदोबस्त करपा खातीर वरिश्ठ अधिकार्यांकडेन चर्चा करून तांचे सुचवणे प्रमाण कार्यरत जाल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
