भांगरभूंय | प्रतिनिधी
पणजी: गोंय सरकारान डॉ. प्रमोद सावंत हांच्या नेतृत्वा खाला विवीध सुधारणा आनी लोकां खातीर सुरू केल्ल्या नाविन्यपूर्ण उपक्रमां खातीर वट्ट ७ ‘स्कॉच पुरस्कार’ (SKOCH Awards) मेळयल्यात. एका स्वतंत्र आनी परिणाम आदारीत मुल्यांकन प्रक्रिये उपरांत हे पुरस्कार भेटयतात, हाका लागून गोंयच्या प्रशासकीय कामाक राष्ट्रीय पांवड्यार एक व्हड वळख मेळ्ळ्या.
ह्या पुरस्कारांत विवीध सरकारी विभागांच्या नव्या कामांचो भोवमान केला. हातूंत अर्थ खात्याच्या ‘डेटा नालिटिकल सेलाक कोश डेटा मॅनेजमेंट प्लॅटफॉर्म’ खातीर, जाल्यार गोवा वेस्ट मॅनेजमेंट कॉर्पोरेशनाक कोयर वेवस्थापनांतल्या राज्यपांवड्यावेल्या उपक्रमा खातीर भोवमान केलो.
तशेंच खेळां आनी युवा वेव्हार विभागाच्या ‘खेलो गोवा सेंटर्स’क, बायलां आनी बाल विकास विभागाच्या ‘अंगणवाड्यां वरवीं बाळकांचें पोशण सुदारप’ ह्या उपक्रमाक आनी तांत्रीक शिक्षण संचालनालयाच्या ‘शाळांनी कोडींग आनी रोबोटिक्स शिक्षण’ ह्या कार्याकूय पुरस्कार मेळ्ळा. हाचे भायर गोंय पुलीस खात्याक ‘स्पॉट द स्कॅम आनी रॅडिकल कंटेंट नालायझर’ ह्या उपक्रमा खाला उखलिल्ल्या पावलां खातीर भोवमान केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
