भांगरभूंय | प्रतिनिधी
गांधीनगर, खबरां संस्था: अहमदाबादच्या सरकारी हॉस्पिटलांतल्या दोतोरांनी एका ७ वर्सां पिरायेच्या भुरग्याच्या पोटांतल्यान केंसांचो एक गुळो आनी बुटाची लेस काडली. शुभम (मध्यप्रदेश) फाटल्या दोन म्हयन्यां सावन पोटांत दुखप, ओंकारी आनी वजन उणें जावपाचो त्रास सोंसतालो. सुरवातेक मध्य प्रदेशांतल्या एका खाजगी हॉस्पिटलांत उपचार केले. मात कांयच उपेग जावंक ना. अहमदाबाद सिव्हिल हॉस्पिटलांत दाखल केले उपरांत, शुभमचें सीटी स्कॅन आनी एंडोस्कोपी केली. हाका लागून समजलें.
दोतोरांच्या पंगडान लॅपरोटॉमी शस्त्रक्रिया केली आनी ताच्या पोटांतल्यान मांस आनी फायब्रॉयड येसस्वीपणान काडले. शस्त्रक्रिये उपरांत सातव्या दिसा केल्ले डाई तपासणेंत पोटांत कसलेच तरेचे अवशेश नाशिल्ल्याची पुश्टी जाली. ह्या दुयेंसाचें नांव ट्रायकोबेझोअर अशें आसा.
सिव्हिल हॉस्पिटलाचे अधीक्षक आनी बालरोग विभागाचे मुखेली डॉ. राकेश जोशी हांच्या मतान, भुरग्याक ट्रायकोबेझोअर्स आशिल्लें. ही एक दुर्मीळ स्थिती आशिल्ली. जातूंत केंस गिळिल्ल्यान पोटांत एक गुळो तयार जाता.
हे समस्येचीं लक्षणां अशीं आसात:
पोटांत दुखप वा सूज येवप
पोटांत धवळप वा ओंकारे येवप
भूक लागना
वजन उणें जावप
बद्धकोष्ठतेची समस्या
हालींच्या काळांत असलीं जायतीं प्रकरणां मुखार येतना दिसतात. राजस्थानाकूय केंस खाल्ल्यान एके बायलेच्या पोटांत गुळो जाल्लो. शेनवारा शस्त्रक्रिया करून तो काडून उडयिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
