भांगरभूंय | प्रतिनिधी
पणजी: नियोजीत प्रशासन स्तंभ इमारत आनी युनिटी मॉल ह्या प्रकल्पांक विरोध करपाक चिंबल ग्रामस्थांनी आयज आयतारा २१ सप्टेंबराक कदंब पठाराचेर आशिल्ल्या तोयार तळ्या लागसार खर निदर्शनां केलीं. हो मोर्चा चिंबल गांवांतल्यान सुरू जालो. थळावे हातांत तखटे आनी बॅनर घेवन नेटान घोशणा करताले. ग्रामस्थांनी ह्या व्हड प्रकल्पांक खर विरोध केलो.
हे प्रकल्प तोयार तळ्याचें आनी पर्यावरणाचें व्हड लुकसाण करतले. तशेंच थळाव्यांचे जिणे शैलीचेरूय नकारात्मक परिणाम करतले असो भंय थळाव्यांनी उक्तायलो. थळाव्यांनी दोनूय प्रकल्प रद्द करपाची मागणी करीत, चिंबलाची सैमीक आनी सांस्कृतीक वळख खंयचेच परिस्थितींत धोक्यांत येवपाक दिवचे ना, अशी शिटकावणी दिली.
ह्या आंदोलनांत थळावे व्हडा संख्येन हजर आशिल्ले. कदंब पठाराचेर वाडपी शारीकरणाक लागून जावपी अतिक्रमणा आड लोकां मदीं वाडपी तिडक ह्या निदर्शनांत दिसून आयली
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
