भांगरभूंय | प्रतिनिधी
वास्को: बायणा, वास्को दिसा उजवाडाक खारेच्या शस्त्रान वार करून मेहरून्नीसा (६४) हे बायलेचो खून जालो. बायणाचे नायक इमारतींत ही घडणूक घडली. ते बायलेचेर धारेच्या शस्त्रान वार करून तो मनीस तिचे कुडी कडेनूच बसून रावलो. ह्या प्रकरणांत दुबाविताक पुलिसांनी रोखडीच अटक केली.
हे विशीं मेळिल्ले चड म्हायती प्रमाण, एक मनीस सोर्याचे घुवळींत इमारतींत घुसलो आनी सुरो घेवन जाण्टे बायलेच्या फाटीक लागलो. तिणें ‘वांचयात, वांचयात’ म्हणीत भायर धांव मारली. आवाज आयकून थळावेय सतर्क जाले आनी नेमकें कितें घडलें तें पळोवपाक गेले. ती बायल परत भितर गेली तेन्ना, फ्लॅटाचें दार बंद करून त्या मनशान बायलेचेर वार केले. उपरांत तो दार बंद करून भितरूच रावलो.
हे विशीं चड म्हायती दितना मरण आयिल्ले बायलेच्या पुतान सांगलें, आपल्याक कोणें तरी फोन करून सांगलें, एक बेबदो सुरो घेवन तुजे आवय फाटल्यान लागलां. हांव कुडींत पावता म्हणसर आई थंय जमनीर पडिल्ली आनी एक मनीस तिचे कुशीक बशिल्लो. हे घडणुके विशीं पुलिसांक म्हायती दिली. उपरांत पुलिसांनी घडणुके सुवातेर येवन त्या मनशाक अटक केली. पुलीस हे विशीं फुडें तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
