भांगरभूंय | प्रतिनिधी
मुरगांव : गोंयचे येरादारी मंत्री माविन गुदिन्हो हांणी मुरगांव म्हालांतल्या ८६ खाजगी बस धनयांक ३९.३८ लाख रुपयांचे इंधन अनुदान दिलें. जुलय २०१८ ते मार्च २०१९ ह्या काळा खातीर दिल्ल्या ह्या अनुदानाक लागून खर्च उणो जावपाक आनी भाडें उणे उरपाक मजत जाता. आनीक फायद्यां खातीर तांणी धनयांक ‘म्हजी बस’ येवजणेंत आसपावन घेवपाचोय उलो मारलो.
वास्कोच्या नवेवाडेंच्या तांच्या कार्यालयांत आयोजीत केल्लो हो वितरण गोवा राज्य इंधन अनुदान ते खाजगी स्टेज कॅरेज ऑपरेटर्स येवजण, २०१४ चो भाग आशिल्लो. मुख्यमंत्री प्रमोद सावंत हांणी मंजूर केल्लें अनुदान जुलय २०१८ ते मार्च २०१९ ह्या काळांतल्या सत्यापीत दाव्यांचो आसपाव करता.
अधिकार्यांनी सांगलें, हो उपक्रम थीर करपाक डिझायन केल्लो. राज्याच्या भौशीक येरादारी नेटवर्काक इंधनाच्या चडपी-देंवपी किमतीं पसून, चालकांक मजत करून, तशेंच प्रवाशांक चालू अर्थीक वर्सा कसलीच भाडेंवाड लागू करचे ना हाची हमी तांणी दिली.
गुदिन्हो हांणी, गोंयच्या भौशीक येरादारी मळार खाजगी बसेसची म्हत्वाची भुमिका अधोरेखीत केली. मंत्र्यांनी मुखार सांगलें, अनुदान येवजण, परत भौशीक येरादारी, मुळाव्यो सुविधा घटमूट करप आनी सदच्या प्रवाशांच्या हिताचें संरक्षण करप हातूंत संतुलन राखपाच्या सरकाराचे वचनबद्धतेक प्रतिबिंबीत करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
