भांगरभूंय | प्रतिनिधी
पणजीः अंदूंचो राष्ट्रीय शिक्षक पुरस्कार जैतिवंत प्राचार्य विलास सतरकार हांची मुलाखत गोवा दूरदर्शनाचेर 22 सप्टेंबराक सांजेच्या 7 वरांचेर प्रक्षेपीत जातली. हालींच तांकां ‘राष्ट्रीय शिक्षक पुरस्कार’ भारताची राष्ट्रपती द्रौपदी मुर्मू हांणी दिलो.
ह्या निमतान गोवा दूरदर्शना खातीर ही मुलाखत श्रुती हजारे हांणी घेतल्या. राजेंद्र फडते निर्माते आसा. राष्ट्रीय पांवड्यावेले पुरस्कार जिखपाक तांचें योगदान, नवी शिक्षणीक पद्दत चालीक लावपाक मार्गदर्शक तत्वां, विद्यार्थ्यांनी आनी पालकांनी लक्षांत दवरपा सारक्यो म्हत्वाच्यो गजाली आनी “शाळा हे जीवन जगण्याची कला, शिकण्याचे माध्यम आहे” हे विशीं विचार आनी मत तांणी हे मुलाखतींतल्यान उक्तायलां. प्रेक्षकांनी हे मुलाखतीचो लाव घेवचो असो उलो गोवा दूरदर्शनान मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
