भांगरभूंय | प्रतिनिधी
फोंडेंः फातर्पेच्या श्री शांतादुर्गा फातर्पेकान्न संस्थानांत सोमारा, 22 सप्टेंबर ते बुधवार, 1 ऑक्टोबर 2025 मेरेन नवरात्रोत्सव मनयतले. सगळ्या भक्तांनी ह्या उत्सवांत वांटो घोवन देवीचो आशिर्वाद तशेंच महाप्रसादाचो लाव घेवचो असो उलो देवस्थान समितीन केल्या.
22 सप्टेंबर (पयलो दीस): सकाळीं 8 वरांचेर घाटस्थापन जातली. ते उपरांत सांजेच्या 8.30 वरांचेर देवीची मूर्त मखरांत दवरतले. हाचे उपरांत श्री सप्तकोटीश्वर, घट, श्री शांतादुर्गा देवी आनी मखराची आरती जातली. ते उपरांत महाप्रसाद वांटप जातले.
22 सप्टेंबर ते 1 ऑक्टोबर: ह्या णव दिसांत दर दिसा सकाळीं धर्मीक विधी जातले. तशेंच सांजेच्या 8.30 वरांचेर मखरोत्सव जातलो आनी उपरांत महाप्रसाद जातलो.
2 ऑक्टोबर (विजया दसमी): दसऱ्याच्या दिसा सांजेच्या 4 वरांचेर देवीक पालखेत बसोवन सिमोल्लंघना खातीर पारंपारीक सुवातेर व्हरतले. थंय ‘भांगर लुटप’ सुवाळ्या उपरांत देवी परत देवळांत येतली. हाचे उपरांत देवीची आरती जातली आनी प्रसाद वांटून उत्सव सोंपतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
