भांगरभूंय | प्रतिनिधी
मडगांवः नावेलीच्या रोझरी कॉलेजी लागसारच्यान दुचाकी चोरिल्ल्या प्रकरणांत मडगांव पुलिसांनी कलंदर हबीगिरी (23) आनी राज नायक (19) ह्या दोग दुबावितांक अटक केल्या. तशेंच पुलिसांनी तांचे कडल्यान चोरी केल्ली दुचाकी जप्त केल्या.
15 ते 16 सप्टेंबर ह्या काळांत मेल्वितो मोंतेरो (राय) हांची 1.57 लाखांची यामाहा एमटी दुचाकी कॉलेजी लागसार उक्त्या सुवातेर पार्क केल्ली. थंय सावन ती चोरून व्हेल्ली. मोंतेरो हांणी हे संबंदी मडगांव पुलीस स्टेशनांत कागाळ दाखल केल्ली.
मडगांव पुलीस निरिक्षक सूरज सामंत हांच्या मार्गदर्शना खाला सहाय्यक उपनिरिक्षक संतोष गांवकार हांणी चवकशी सुरू केली. चवकशी वेळार पुलिसांनी दोग दुबावितांक ताब्यांत घेतले. चवकशे उपरांत तांणी गुन्यांव कबूल केलो आनी उपरांत तांकां अटक केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
