भांगरभूंय | प्रतिनिधी
कर्मचाऱ्यांनी दिल्ल्या येवकाराक लागून गवाडे हांकां नोटीस कित्याक?
पणजी : हार, फुलांचो शिंवर, उंवाळ्ळून कार्यकारी संचालक पदाचो ताबो घेतिल्ल्यान सरकारान नोटीस धाडिल्ल्या डॉ. अजय गावडे हांकां ‘गाकुवेध’ संघटणेन तेंको दिलो. कर्मचाऱ्यांनी पारंपारीक पद्दतीन आनी खोशीन येवकार दिलो असो दावो करून ही नोटीस फाटीं घेवपाची मागणी गाकुवेध अध्यक्ष गोविंद शिरोडकार हांणी केल्या.
ह्या मागणीचे पत्र तांणे जारी केलां. डॉ अजय गावडे हांकां न्याय मेळचो हे खातीर कायदेशीर पर्याय सोदून काडटात अशेंय गोविंद शिरोडकार हांणी म्हणलें. डॉ. अजय गावडे एसटी समाजाचो भाव आनी आयज मेरेन प्रामाणीकपणान तांणी सेवा दिल्या. एक कार्यक्षम अधिकारी म्हणून तांची वळख आसा. कर्मचाऱ्यांनी दिल्ल्या येवकाराची नोटीस तांकां जारी करप हो तांचेर जाल्लो अन्याय आसा. अशा प्रकारांक लागून बऱ्या अधिकाऱ्यांचे खच्चीकरण जाता अशें गकुवेधन हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
