भांगरभूंय | प्रतिनिधी
पणजी ः गोंयची काजू फेणी आनी हुर्राक संवसारभर फामाद आसा. ह्या हंगामी पेयाची चव घेवपाक जायते जाण गोंयांत येतात आनी एक बाटली तरी आपल्या वांगडा वतना व्हरतात. गोंयचो सैम, दर्यादेग आनी हेर नामनेच्या पर्यटन थळां वांगडाच फेणी आनी हुर्राकाची चव घेवपाक जायते देशी-विदेशी पर्यटक गोंयांत येतात.
अशा ह्या फेणी आनी हुर्राकाक कर्नाटकांतल्या बेंगळुरूत मार्केट उपलब्ध जाला. सप्टेंबर सावन बेंगळुरूंतल्या सोऱ्याच्या दुकानांनी गोंयची फेणी आनी हुर्राक मेळटा. गोंयांत ताचे दर 500 एमएललाक 600 रुपया जाल्यार बेंगळुरू 1300 रुपया आसा.
फेणी दोतोर म्हूण वळखपी ‘काझुलो’चे संस्थापक हॅन्सल वाझ हांणी कर्नाटकांतल्या बेंगळुरू बाजारांत ही फेणी आनी हुर्राक उपलब्ध करून दिला. बेंगळुरू भारतीय सोऱ्याच्या पेयांचें म्हत्वाचें केंद्र म्हूण उदेता. बेंगळुरू मेट्रो शारांत ‘रेडी टू ड्रिंक’ कॉकटेलच्या (botteld as Mr. Jerry’s X Cazulo EI Classico) रुपांत फेणी उपलब्ध जातली अशी म्हायती वाझ हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
