भांगरभूंय | प्रतिनिधी
वास्को: एफएल गोम्स मार्गार भुंयगत वीज वाहिन्यो घाले उपरांत थंयच्या पोरण्या खांब्या वेले इंटरनॅट, टीव्ही केबल कापिल्ल्यान ते रस्त्या कुशीक हुमकळत पडल्यात. ह्या केबलांचो त्रास वाहन चालकांक चड करून दुचाकी चालकांक जायत आसा. ह्या केबलाक लागून दुचाकी चालकांक अपघात जावपाची भिरांत उक्तायतात. ह्या प्रकरणांत संबंदितांनी लक्ष घालून ते केबल कुशीक काडपाची गरज आसा.
स्वातंत्र्य पथ, सेंट जोसेफ मार्गार भुंयगत वीज वाहिन्यो घाल्ल्यान थंयचे पोरणें विजेचे खांब काडून उडयले. आतां एफएल गोम्स मार्गार भुंयगत वीज वाहिन्यो घालपाचें काम पुराय जालां. ताका लागून थंयच्या दुभाजकांतले पोरणे विजेचे खांब, वीज वाहिन्यो काडून उडयतात. ह्या पोरण्या वीज खांब्या वेल्यान कांय केबल ऑपरेटरांनी आपलें इंटरनेट, टीव्ही केबल व्हेल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
