भांगरभूंय | प्रतिनिधी
मुंबयंत मुख्यमंत्र्यांची ओएसएच इंडिया परिशदेक हाजेरी
पणजी: गोंयांत कामाचे सुवातेर कामगाराचे सुरक्षेक सर्वोच्च प्राधान्य गोंय सरकार दिता. कामगारां खातीर गोंयांत भलायकी, शिक्षण आनी समाजीक सुरक्षे विशीं बऱ्योच येवजण्यो आसात अशें मुख्यमंत्री डॉ. प्रमोद सावंत हांणी सांगलें.
मुख्यमंत्री डॉ. प्रमोद सावंत हांणी मुंबयंत ओएसएच इंडिया परिशदेक हाजेरी लायली. हे परिशदेंत उलयतना तांणी ही म्हायती दिली.
कामाच्या थळार सुरक्षा आनी भलायकेच्यो सुविधा ह्याे आसूंकच जाय. उद्देजक वा कंपनीन आपणें जावन त्यो उपलब्ध करून दिवंक जाय. कामाच्या थळार सुरक्षा आनी भलायकेच्यो सुविधा हाका देशाचें सर्वोच्च प्राधान्य आसा. कामाचें थळ सुरक्षीत आसप म्हणल्यार उद्देग घटमूट आसप. उद्देगीक थळांची सुरक्षा, भलायकेच्यो सुविधा, नवनिर्मिती हातूंत देश नवो मापदंड तयार करीत आसा. कामगारांचें कल्याण, सुरक्षा आनी उदरगत हाचेर गोंय सरकाराचो भर आसा अशें डॉ. सावंत हांणी सांगलें.
कामगार खातें तशेंच हेर खात्यांनी इएसआय सयत शिक्षण, भलायकी तशेंच समाजीक वाठारांत बऱ्योच येवजण्यो तयार केल्यात. ह्या येवजण्यांचो लाव कामगारांक जायत आसा अशें मुख्यमंत्री डॉ. प्रमोद सावंत हांणी सांगलें.
मुख्यमंत्री डॉ. प्रमोद सावंत हांणी मुंबयंत नॅशनल स्टॉक एक्स्चेंजीक भेट दिली. अर्थीक स्थिती आनी स्टॉक मार्केटा विशीं विद्यार्थ्यांक मार्गदर्शन करपा विशीं चर्चा जाली. एनएसई आनी उच्च शिक्षण संचालनालया मदीं समजिकायेची कबलात जाल्या. ह्या कबलाती विशीं चर्चा जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
