भांगरभूंय | प्रतिनिधी
नवी दिल्ली, खबरां संस्था: प्राप्तिकर विभागान सोमारा २०२५-२६ खातीर प्राप्तिकर विवरणपत्र भरपाची निमाणी तारीख १६ सप्टेंबर मेरेन वाडयली. केंद्रीय प्रत्यक्ष कर मंडळान रातचें उसरां एक परिपत्रक जारी केलें. ह्यान पयलीं ही निमाणी मुजत १५ सप्टेंबर मेरेन आशिल्ली.
अंदूं आतां मेरेन ७.३ कोटी लोकांनी आयकर भरला. फाटल्या वर्सा परस दोन लाखांनी चड आसा. २०२४-२५ वर्सा ७.२८ कोटी लोकांनी आयटीआर भरिल्लो.
मे म्हयन्यांत, कर विभागान आयटीआर दाखल करपाची तारीख ३१ जुलया वेल्यान १५ सप्टेंबर मेरेन वाडयिल्ली. कांत तांत्रीक कारणांक लागून ही तारीख वाडयिल्ली. आतां ती तिसरे फावट आनीक एक दीस वाडयल्या.
२०२४-२०२५ ह्या अर्थीक वर्सा खातीर आयटीआर फॉर्मांत जाल्ल्या बदलांक लागून आयटीआर फायलिंग टूल्स आनी बॅक-एंड सिस्टमांतूय बदल करपाची गरज आशिल्ली.
ह्यान पयलीं ३० सप्टेंबर मेरेन तारीख वाडोवपाची बातमी व्हायरल जाल्ली. प्राप्तिकर विभागानूय निमाणी मुजत ३० सप्टेंबर मेरेन वाडयिल्ल्याच्यो वावड्यो न्हयकारल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
