भांगरभूंय | प्रतिनिधी
पोरूंचे तुळेंत अंदूं खपली 20 मॅट्रीक टन गांवठी भाजी 5 लाखांक
भांगरभूंय । समीप नार्वेकार
पणजी : चवथीच्या काळांत थळाव्या शेतकारांक अच्छे दिन आयल्यात. पोरूंचे तुळेंत अंदूं चवथीक गोंय फलोत्पादन म्हामंडळा कडेन भाजी पुरवण करपी थळाव्या शेतकारां मदीं वाड जावन गांवठी भाजयेचे विक्रींत 20 मॅट्रीक टन वाड जाल्या. तशेंच शेतकारांचे येणावळींत 5 लाख मेरेन वाड जाल्या, अशी म्हायती गोंय फलोत्पादव म्हामंडळाचे सरवेवस्थापक चंद्रहास देसाय हांणी दिली.
चवथीची सुरुवात ते अनंत चतुदर्स ह्या दोन सप्तकांत चवथीच्या काळांत फलोत्पादन म्हामंडळान विक्री केल्ले भाजयेची, थळाव्या शेतकारां कडल्यान घेतिल्ले भाजयेची आनी थळाव्या शेतकारांक दिल्ल्या लाभाची आंकडेवारी म्हामंडळाचे सरवेस्थापक देसाय हांणी जारी केल्या.
2024-25 चवथीच्या काळांत 277 शेतकारांक लाभ मेळिल्लो. 2025-26 चवथीच्या काळांत 75 नव्या शेतकारांनी नोंदणी जाली आनी हो आंकडो 352 मेरेन पावला. 2024-25 चवथीच्या काळांत 61.35 मॅट्रीक टन भाजी 18 लाखांक म्हामंडळान विकती घेतिल्ली. 2025-26 चवथीच्या काळांत हातूंत वाड जावन म्हामंडळान 81.40 मॅट्रीक टन भाजी 23.05 लाखांक विकती घेतली. अंदूं भाजेयेचे विक्रींत 20 टन वाड जाल्या आनी शेतकारांच्या मोबदल्यांत 5 लाख मेरेन वाड जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
