परकी चलनाचो सांठो वाडलोः आरबीआय

भांगरभूंय | प्रतिनिधी

मुंबय, खबरां संस्थाः भारताच्या खजिन्यांत व्हड वाड जाल्या. परकी चलनाचो सांठो 698.27 अब्ज डॉलराचेर पावला. हे विशीं आरबीआयन नवो डेटा जाहीर केला. हाचे प्रमाण परकी चलनाच्या साठ्यांत फाटल्या सप्तकाच्या तुळेंत 4.03 अब्ज डॉलर वाड जाल्या.
शुक्रारा, 12 सप्टेंबराक जाहीर जाल्ल्या किरकोळ चलनवाडीच्या आंकडेवारी प्रमाण, भारताचो परकी चलनवाडीचो सांठो 5 सप्टेंबर मेरेन 4.03 अब्ज डॉलर वाडून 698.26 अब्ज डॉलर जाला अशें आरबीआयन सांगलां.
आरबीआयच्या आंकडेवारी प्रमाण, साठ्यांचो सगळ्यांत व्हडलो भाग आशिल्ली परकी चलन मालमत्ता (एफसीए) 540 दशलक्ष डॉलरान वाडून 584.47 अब्ज डॉलर जाल्या. डॉलर सोडल्यार ह्या मालमत्तेंत युरो, पाउंड आनी येन सारकिल्या हेर चलनांचोय आस्पाव जाता.

भांगराच्या सांठ्यांत कितली वाड?
ह्या सप्तकांत भांगराचो सांठो 3.53 अब्ज डॉलरान वाडून 90.29 अब्ज डॉलर जालो. स्पेशल ड्रॉइंग रायट्स (एसडीआर) 34 दशलक्ष डॉलर उणो जावन 18.47 अब्ज डॉलर जालो. आयएमएफांत भारताची राखीव स्थिती 2 दशलक्ष डॉलर वाडून 4.75 अब्ज डॉलर जाली.