भांगरभूंय | प्रतिनिधी
खबरां संस्था
काठमांडू : सुशीला कार्की हो नेपाळाची पयली महिला अंतरीम प्रधानमंत्री जाली. राष्ट्रपती रामचंद्र पौडेल हांणी राष्ट्रपती भवन शिकल निवासांत तांकां सोपूत दिलो. तांचे वांगडा कुलमन घिसींग, ओम प्रकाश अर्याल, बालानंद शर्मा हांणी मंत्रीपदाचो सोपूत घेतलो. ह्या मंत्रीमंडळांत जेन-झॅडच्या एकाय फुडाऱ्याचो आस्पाव ना.
नेपाळांत सत्तापालटा उपरांत 3 दिसांनी लश्कर, राष्ट्रपती आनी जेन-झॅड फुडाऱ्यांचे साबार बसके उपरांत हो निर्णय घेतलो. सुशीला कार्की नेपाळाची पयली महिला मुख्य न्यायाधीश आसात. तांणी बनारस हिंदू विद्यापिठांतल्यान राजशास्त्रांत पदव्युत्तर शिक्षण घेतलां. दुसरे वटेन नेपाळचे राष्ट्रपती रामचंद्र पौडेल हांणी संसद बरखास्त केल्या. जेन-झॅडचे फुडारी संसद बरखास्त करपाचे मागणेचेर ठाम आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
