भांगरभूंय | प्रतिनिधी
म्हापशें: बोडगिणी, म्हापश्यां 350 एमएम तांकीच्या स्तलांतरीत उदकाच्या पायपाचें भितरलें कनेक्शन जोडणीचें काम मंगळारा 16 तारखेर पेयजल पुरवण खातें (डीडीडब्लू) सुरू करतलें. हाका लागून त्या दिसा आसगांव, हणजूण- कायसूव, पर्रा, हडफडें-नागवा ह्या पुराय पंचायत वाठारांत तशेंच कळंगूटेच्या कांय वाठारांनी मर्यादीत उदकाची पुरवण जातली.
सध्या म्हापशें ते कळंगुटेवेल्या गांधी चौक ते बोडगिणी मजगतीं रस्तो रुंदीकरणाचें काम सुरू आसा. बोडगिणीच्या साकवा कुशीक आशिल्लें उदकाचें पायप डीडीडब्लू खात्यान कांय अंतराचेर स्तलांतरीत करपाचो निर्णय घेतला. ही सुमार 15 ते 20 मीटर अंतराचीं पायपां स्थलांतरीत जातलीं. ह्या उदकाच्या पायपांक भितरल्यान कनेक्शन दितले. हें काम खातें मंगळारा 16 सप्टेंबराक एका दिसान करतलें. हाका लागून ह्या दिसा वयर दिल्ल्या गांवांनी मर्यादीत उदकाची पुरवण जातली, अशी भौशीक नोटीस पेयजल खात्याच्या कार्यकारी अभियंत्या वतीन जारी केल्या
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
