भांगरभूंय | प्रतिनिधी
पेडणें: दोन खांब धारगळे सिग्नल आसा. त्या राष्ट्रीय महामार्ग ६६ चेर सेगीत ल्हान व्हड अपघात जायतूच आसतात. तशेच तरेचो अपघात ११ तारखेर सकाळीं साडेचार वरांचेर दोन वाहनां मदीं जालो. ह्या दोनूय वाहनांचें एकामेकाक मुखार धपको मारिल्ल्यान व्हडा प्रमाणांत लुकसाण जालें.
धारगळे दोन खांब राष्ट्रीय महामार्ग ६६ चेर जें सिग्नल आसा. त्या रस्त्याचेर उड्डाणपूल जाय. अशी जायत्या वर्सां सावन मागणी आशिल्ली. ती मागणी हालींच मुख्यमंत्री डॉक्टर प्रमोद सावंत हांणी बेगोबेग पुराय करतले अशें आस्वासन दिल्लें. मात आजूनय त्या उड्डाण पुलाच्या कामाची सुरवात करूंक ना.
उड्डाणपूल नाशिल्ल्यान चारूय वटेन येवपी वाहनांक खंय वयचें? खंयच्यान येवचें? हेच गडबडींत आशिल्ल्यान अदमास येना. केन्ना केन्ना सिग्नलूय बंद आसतात. हाका लागून कोणें मुखार वचचें? कोणें फाटीं रावचें? हाचोय मेळ बसना. हाका लागून जायते फावट अपघात जातात.
आयज सकाळीं दोन ट्रकांचो अपघात जाल्ल्यान व्हडा प्रमाणांत वाहनांचें लुकसाण जालें. हे घडणुकेची म्हायती पेडणें पुलिसांक, ट्राफिक पुलिसांक मेळटांच तांणी घडणुके सुवातेर वचून ट्रॅफीक नियंत्रणांत हाडलें.
ह्या अपघाताची कोणेंच हे विशीं कागाळ करूंक नाशिल्ल्यान आनी कोणाक कांय जावंक नाशिल्ल्या पुलिसांनी नोंद करूंक ना
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
