भांगरभूंय | प्रतिनिधी
कवळें गांवांत उमेश लाडको नायक हांच्या घरांतल्या गणपतीक अंदूं 75 वर्सां जालीं. 1950 त तांणी गणपती पुजपाक सुरवात केली. तांचो गणपती हो ‘नवसाचो गणपती’ म्हूण गांवांत प्रसिद्ध आसा. ताका ‘जय गणेश’ अशेंय नांव पडलां. नवस म्हणल्यार आंगवण. कितल्याश्याच भक्तांच्यो इत्सा ह्या गणपतीचें दर्शन घेतले उपरांत पूर्ण जाल्यात.
उमेश हांचो गणपती पांच दिसांचो. मुर्ती ते खास कोल्हापूराच्यान हाडटात. एक म्हयनो पयलीं. मागीर घरांतलीं ती स्वता रंगयतात. विशेश म्हणल्यार हे कुटुंब ती आकर्शक पद्दतीन रंगयतात. तांचे घरची चवथ ही भौशीक कशी दिसता. पुराय कुटुंब गणपतीची सेवा करपाक रंगून वतात. ह्या दिसांनी भजन, फुगडी, घुमट आरती सर्त जाता. विसर्जनाची मिरवणुकय यादींत उरपी जाता. दिंडी, धोल- ताश्यांची मिरवणूक भायर सरता. दुर्भाट फेरये कडेन विसर्जन करतात.
नायक कुटुंब पर्यावरण सांबाळून चवथ मनयतात. चवथीक ते एक पसून माराण लायनात. आपल्या जाण्टेल्यांची कला, दायज चवथी निमतान सांबाळपाचो ते यत्न करतात. कलाकारांक उर्बा दितात. हालींच्या वर्सांनी असली घरगुती चवथ आमकां सहसा पळोवपाक मेळना.
नेहाल प्रियोळकार
88060 74094
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
