भांगरभूंय | प्रतिनिधी
पत्रभूंय
डाॅ. प्रमोद सावंत,
मानादिक मुख्यमंत्री,
आयआयटी, गोंय संस्थेची केन्ना राज्यांत बांदावळ जाली. उपरांत कितें जालें तें तुमकां खबर आसा. आयआयटीक भूंय दिवचे आदीं आयआयटी गोंयचो पावंडो कितें आसा? अभ्यास जाला? कसले अभ्यासक्रम गोंय आयआयटींत आसात ती म्हायती आसा? डाॅ. व्यंकटेश प्रभुदेसाय, मुश्टीफंड आर्यनाचे वेवस्थापक हांच्या फुडारपणा खाला एक समिती बांदल्यार आयआयटी गोंय खंय आसा तें कळटलें. तंत्रिक शिक्षण संचालनालयाक तुमी गोंयच्या गांवां मेरेन व्हरतलेच, हो विश्वास आसा. तुमी शिक्षणीक बदलाचेच न्हय स्वयंसिद्धेचे शिल्पकार ही जाणवीकाय म्हाका जाल्या.
मुंबय, दिल्ली, खरगपूर आयआयटीच्या पावंड्याचें शिक्षण गोंय आयआयटींत आसत जाल्यारुच गोंयची भूंय संस्थे खातीर दियात. हांव आव्हान दिना, फकत सुचोवणी करतां. केल्ल्यो सुचोवण्यो सरकारान मानून घेतिल्ल्याचो आनंद म्हाका आसा. तुमी गोंयचेच न्हय, भारतांतले एक बरे मुख्यमंत्री अशें हेर राज्यांतल्या पत्रकारांकय दिसता.
गोंय आयआयटी ही मुंबय आयआयटीचो जोड फांटो म्हणून सुरु जाली. कितें आसा आयज तिची स्थिती? कितें आसा गोंयच्या इंजिनियरिंग शिक्षणाचो पावंडो? नवी मुंबय विमानतळाची बांदावळ, येवजण करपी इंजिनियर गोंयकार हें तुमकां खबर आसा? सोदल्यार तुमकां अभिमानी, स्वाभिमानी युवा गोंयकार दिसतले, संवसाराच्याच न्हय देसांतल्या कोनशाकय. एनआयटी कुरुक्षेत्र गेल्यात तुमी? वचात, पळयात. तसली आयआयटी गोंयांक जाय. आयआयटी म्हणल्यार एक गांव. गोंयकारांक तें परवडटलें? लाव कितलो जातलो? जापो मेळयात.
– सुहासिनी प्रभुगांवकार.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
