भांगरभूंय | प्रतिनिधी
सरकार पक्ष २३ सप्टेंबराक उमेदवारी अर्ज भरतलो
पणजी : सभापतीपदा खातीर २५ सप्टेंबराक जावपी वेंचणुकेंत विरोधी गटा वतीन कॉंग्रेसीचे आमदार एल्टन डिकोस्टा हांणी बुधवारा उमेदवारी अर्ज सादर केलो. सरकार पक्षाचो उमेदवार आजून थारपाचो आसा. सरकार पक्ष २३ सप्टेंबराक उमेदवार अर्ज भरतलो, अशी म्हायती मुख्यमंत्री डॉ. प्रमोद सावंत हांणी पत्रकार परिशदेंत दिली.
रमेश तवडकार हांणी सभापतीपदाचो राजीनामो दिले उपरांत तें पद खाली आसा. सभापतींची निवड करपा खातीर २५ सप्टेंबराक विधानसभेचें एक दिसाचें अधिवेशन जातलें. गणेश गांवकार हांचें सभापतीपदा खातीर नांव निश्चीत जालां आसलें तरी आजून मेरेन नांवाची घोशणा जावंक ना.
इतले मजगतीं विरोधी कॉंग्रेस पक्षान उमेदवारी अर्ज सादर केलो. एल्टन डिकोस्ता हांच्या नांवाची शिफारस आपाचे आमदार वेंझी व्हिएगस हांणी केली. कॉंग्रेस उमेदवाराक हेर विरोधी पक्षांचो तेंको आसा. गोवा फॉरवर्डाचे आमदार विजय सरदेसाय हांचे कडेन हांवें हे विशी चर्चा केल्या, अशी म्हायती कॉंग्रेस विधीमंडळ फुडारी युरी आलेमाव हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
