भांगरभूंय | प्रतिनिधी
पणजी : सध्या राज्यांतल्या तापमानांत वाड जाल्या. हवामान खात्यान राज्यांत १४ ते १६ सप्टेंबर मजगतीं मध्यम स्वरूपाच्या पावसाची शक्यताय उक्तायल्या. ते प्रमाण ह्या तीन दिसां खातीर पावसाचो येलो अलर्ट जारी केला. राज्यांत ११ ते १३ सप्टेंबर मजगतीं पावस शिरशिरपाची शक्यताय.
हातूंत हवामान खात्यान राज्यांत सप्टेंबरांत सरासरी परस चड पावसाची शक्यताय उक्तायल्ली. मात सप्टेंबराच्या पयल्या धा दिसांनी सरासरी २ इंच पावसाची नोंद जाल्या. राज्यांत १ जून ते १० सप्टेंबर मजगतीं सरासरी ११६ इंच पावसाची नोंद जाल्या. अंदूं पावसाचे प्रमाण सरासरी परस ४.५ टक्क्यांनी अदीक आसा. फाटल्या वर्सा ह्याच काळांत १६३ इंच पावसाची नोंद जाल्ली.
बुधवारा पणजे चडांत चड ३१.४ अंश जाल्यार उण्यांत उणे २४.६ अंश सेल्सिअस तापमानाची नोंद जाली. मुरगांवच्या चडांत चड तापमान ३०.२ अंश जाल्यार उण्यात उणो तापमान २४.८ अंश सेल्सिअस उरलो. राज्यांत १ जून ते १० सप्टेंबर मजगतीं सांग्यार १५३.६१ इंच, धारबांदोड्यां १५१.५७ इंच, वाळपय १५० इंच, केप्यां १४१.७९ इंच, फोंडें १२३.६९ इंच, सांखळे ११९.२६ इंच पावसाची नोंद जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
