भांगरभूंय | प्रतिनिधी
मडगांव: कुटबण मडगांव मार्गार नवी इलेक्ट्रीक बस सुरू केली. हाका लागून खाजगी बशींचेर आदारून रावपी प्रवाशांक थाकाय मेळ्ळ्या. शिक्षणीक, भलायकी आनी हेर गजालीं खातीर येरादारीचे वेवस्थेंत वाड जायत हाचो फायदो लोकांक जातलो अशें आमदार क्रुझ सिल्वा हांणी सांगलें.
वेळ्ळी मतदारसंघांतली भौशीक येरादारी कनेक्टिव्हिटीक म्हत्वपूर्ण चालना दिवपा खातीर नवी कदंब ईव्ही बस सुरू केल्या. ही बस सेवा कुटबण मडगांव मार्गार चलोवपा खातीर चालीक लायल्या. दीसपट्टो प्रवास, विद्यार्थी आनी ज्येश्ठ नागरिकां खातीर ह्या येरादारी सेवीची गरज खूब वर्सांनी पुराय जाल्या. सेंट रॉक चर्चीचे फादर मॅथीयस रॉड्रिागीस हांणी प्रार्थना केली. सरपंच विणा कार्दोज आनी थळाव्यांचे हाजिरेंत हो सुवाळो जालो.
आमदार क्रुझ सिल्वा हांणी विधानसभेच्या अधिवेशनांत सेगीत हो मुद्दो उपस्थीत केल्लो. सेगीत यत्न केले उपरांत ही सेवा सुरू जाली हे खातीर सरपंच आनी नागरिकांनी उपकार आठयले. आमदार क्रुझ सिल्वा हांणी येरादारी मंत्री मॉवीन गुदिन्हो आनी कदंब म्हामंडळाचे अध्यक्ष आमदार उल्हास तुयेंकार हांचे उपकार मानले. ही बस फक्त एक वाहन न्हय जाल्यार लोकांक दिल्ल्या आस्वासनाची पुर्तताय आसा. ह्या विकासा सयत आस्पावीत मुळाव्यो सुविधा आनी समुदायकेंद्रीत उदरगतीच्या मार्गार मुखार वचत आसा.
नवे बस सवेक लागून प्रवासाचो भार उणो जातलो. खाजगी वाहनांचेर आदारून रावप उणें जातलें आनी मडगांवां शिक्षणीक, भलायकी सेवा आनी वेवसायीक केंद्रांनी प्रवेश वाडटलो अशी आस्त उक्तायली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
