भांगरभूंय | प्रतिनिधी
पणजी ः चोडणाच्या उजुर्बा टेक्नोलाॅजिस कंपनीन ‘उर्बेन उठात’ ह्या नव्या संगीत आल्बम माळे वरवीं प्रयोगीक पावल मारलां. पयलीं ‘उर्बेन उठुया’ हो ‘कन्सेप्ट आल्बम’ म्हूण सादर केला. एआय तंत्रगिन्यान, कोंकणी मुळां आनी जागतीक संगीतप्रवाह हांचो मेळ घालीत केल्लो हो पयलोच असो प्रयोग.
आल्बमाचीं खाशेलपणां
ह्या आल्बमांत 10 मूळ गितां आसात. तातूंत वेस्टर्न पॉप, इंडियन पॉप, इंडियन क्लासिकल पॉप, सोलफुल बॅलॅड्स, कोरल हार्मनीज, फ्लॅमेन्को/ जिप्सी आनी हार्ड रॉक ह्या सारक्या विंगड विंगड प्रकारांचो आस्पाव आसा. दर एक गीत मूळ कोंकणी चालीचेर आसून इंग्लीश- कोंकणी मिश्र गीत आनी आधुनीक ए.आय. साधनांचो वापर करून तयार केलां.
लोकार्पण वेळापत्रक
सप्टेंबर 6 : ट्रॅक 1 आनी 2 (युट्युबाचेर आसा)
सप्टेंबर 7 : ट्रॅक 3 आनी 4
8 ते 13 सप्टेंबर : दर दिसा एक नवो ट्रॅक
उर्बेन उठुया हो गोंयचो पयलो एआय वापरून केल्लो आल्बम जावंक शकता अशें कंपनीन सांगलां, पूण प्रसार माध्यमांनी हें स्वतंत्रपणान तपासचें अशेंय स्पश्ट केलां.
एआय कोंकणी शिकता
हो आल्बम तयार करपाक एआय साधनांचो वापर केला तरी सृजनशील दिश्टीकोन, गीतलेखन आनी चाल, संगीत शैलींचो अभ्यास हें सगळे मनशाच्या यत्नांचेर आदारिल्लें आसा. देखून हो आल्बम एआय आनी मनशाचे कल्पकतायेचो संगम आसा.
सध्या एआय कोंकणी उच्चार शिकपाचे प्रक्रियेंत आशिल्ल्यान आयकुप्यांक कांय उच्चार खटकूं येतात. पूण ‘उर्बेन उठात’ लेबल ताका ह्या प्रवासांतलो एक वांटो मानता आनी फुडाराक आनीक बरी कृती तयार करपाची संद म्हणून पळयता.
उजवाडावणी
उर्बेन उठूया हो आल्बम सध्या युट्यूब, इंस्टाग्राम आनी फेसबूकाचेर प्रदर्शीत जाता. बेगीनूच आंतरराष्ट्रीय संगीत प्रवाह प्लॅटफॉर्मांचेर उपलब्ध जातलो.
अल्बम पळोवपा खातीर
युट्युबाचेर : @UrbenUtah | https://www.youtube.com/@urbenutah
इन्स्टा : @urbenutah | https://instagram.com/urbenutah
फेसबूक : facebook.com/urbenutah | https://www.facebook.com/urbenutah
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
