भांगरभूंय | प्रतिनिधी
वाळपय: शिंगणेच्या दत्ता विठ्ठल गांवस हांच्या घरावचेर झाड पडून घराचें लुकसाण जालें. हाका लागून ह्या कुटुंबाचेर अर्थीक परिस्थिती निर्माण जाल्या. ह्या कुटुंबाक सरकारान अर्थीक मजत करची अशी मागणी कुटुंबान आनी नागरिकान केल्या.
शिगणेच्या दत्ता विठ्ठल गांवस हांच्या घराचेर शुक्रारा सकाळीं झाड पडून घराच्या पांख्याचें व्हड प्रमाणांत लुकसाण जालें. घराचें पाखें तटिल्ल्या घरांतल्या वस्तुंचेंय लुकसाण जालां.
हे विशींची म्हायती वाळपय उजो पालोवपी दळाक दिली. उजो पालोवपी दळाच्या जवानांनी रोखडेंच घडणुके सुवातेर पाव घराच्या पांख्यार पडिल्लें झाड कुशीक केलें. मात पांख्याचें बरेंच लुकसाण जालें. लुकसाण कितलें जालां हें आजून स्पश्ट जावंक ना. मात ५० हजारां परस चड लुकसाण जाल्ल्याचो अदमास आसा.
उजो पालोवपी दळाच्या सुत्रांनी दिल्ले म्हायती प्रमाण घराच्या एका वाटेनच्या पांख्यार झाड पडिल्लें. हाका लागून पांख्याचें लुकसाण जालें. नळे घरांतल्या सामानाचेर पडिल्ल्यान ताचेंय लुकसाण जालें.
घराचें बरेंच लुकसाण जाल्ल्यान ह्या कुटुंबाक बरोच फटको बसला. ह्या कुटुंबाक सरकारान मजत करची, अशी मागणी थळाव्यांनी आनी त्या कुटुंबानूय केल्या
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
