भांगरभूंय | प्रतिनिधी
पणजी: राज्यांतल्या एकाच शिक्षकांच्या शाळांक आनीक शिक्षक दिवपाचें काम सुरू जालां. येवपी शिक्षणीक वर्सा राज्यांतल्या एकूय शाळांनी एकूच शिक्षक आसचो ना अशें मुख्यमंत्री डॉ. प्रमोद सावंत हांणी सांगलें. ६४ व्या राष्ट्रीय शिक्षक दिसा निमतान आयोजीत कार्यावळींत ते उलयताले.
ह्या वेळार शिक्षण सचिव प्रसाद लोलयेंकार, संचालक शैलेश झिंगडे, एससीईआरटी संचालक मेघना शेटगांवकार, मेघना शेटगांवकार, समग्र शिक्षा संचालक शंभू घाडी हाजीर आशिल्ले. ताचे पयलीं पुरस्कार मेळिल्ल्या शिक्षकांचो भोवमान केलो.
मुख्यमंत्र्यान म्हणलें, राज्यांत सुमार ७०० सरकारी, जाल्यार १४० खाजगी अनुदाना बगर शाळा आसात. अशें जरी आसलें तरी सरकारी शाळां परस खाजगी शाळांनी लावार्थी चड आसात. पालक चड पयशे दिवन खाजगी शाळेंत भुरग्यांक धाडटात. हे विशीं आमचे कडल्यान कितेंय उणाव जाता जाल्यार तातूंत नक्की सुदारणा जातली. मात पालकांनीय हे विशीं चड विचार करपाची गरज आसा.
सरकारी शाळांनीय बर्या दर्जाच्यो सुविधा आनी प्रशिक्षीत शिक्षक आसा. खाजगी शाळा इंग्लीश माध्यमांच्यो आशिल्ल्यान पालक थंय शिक्षण दिवपाचो विचार करतात. सरकारी मुळावे शाळेंत मराठी आनी कोंकणी सयत इंग्लीश विशयूय बरे तरेन शिकयतात. इंग्लीश विशया खातीर प्रशिक्षीत शिक्षक नेमल्यात. पालकांनी सरकारी शाळां विशीं सकारात्मक नदर दवरची. खाजगी अनुदानीत नाशिल्ल्या शाळांचेर शिक्षण खात्याचें पुरायेन नियंत्रण नासता. हांगच्या शिक्षकांक शिकोवपाचें प्रशिक्षण दिलां आसतलेंच अशें ना. पालकांनी हाचोय विचार करचो अशें मुख्यमंत्र्यांनी सांगलें.
२०३० मेरेन एनईपी १०० टक्के अंमलबजावणी
प्रसाद लोलयेंकार हांणी, शिक्षण खातें २०३० मेरेन राष्ट्रीय शिक्षण धोरणाची (एनईपी) १०० टक्के अंमलबजावणी करपाचो यत्न करता. एनईपींत शिक्षकांची भुमिका म्हत्वाची आशिल्ल्यान खात्या वतीन तांकां प्रशिक्षण दितात
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
