भांगरभूंय | प्रतिनिधी
डोनाल्ड ट्रम्प हांचो न्यायालयांत आगळो तर्क
खबरां संस्था
नवी दिल्ली : अमेरिकेचे राष्ट्राध्यक्ष डोनाल्ड ट्रंप हांचे चडशे व्यापक टेरीख बेकायदो असो निवाडो न्यायालयान दिला. डोनाल्ड ट्रंप हांच्या सरकारान न्यायालयाच्या त्या निवाड्याक आव्हान दिवचे खातीर सर्वोच्च न्यायालयांत धांव घेतल्या. हे टेरीफ युक्रेनांतले शांती खातीर आमच्या यत्नांचो हो एक म्हत्वाचो भाग अशें न्यायालयीन कागदपत्रांनी ट्रंप सरकारान तर्क दिला.
ट्रंप सरकारान म्हणलां, राष्ट्राध्यक्षान हालींच युक्रेंनांत रशियेच्या झुजाच्या संबंदांत आदीं सावन आशिल्ल्या राष्ट्रीय आपत्कालाक फुडो करचे खातीर रशियेच्या उर्जा उत्पादनांची खरेदी करपाक भारता आड आयईईपीए टेरीफाक अधिकृत केला, जो ह्या झूज पिडेस्त देशांत शांती खातीर तांच्या यत्नांचो एक म्हत्वाचो भाग आसा.
27 ऑगस्टाक अमेरिकेचे राष्ट्राध्यक्ष डोनाल्ड ट्रंप सरकारान भारताचेर टेरीफ दुपेट करून 50 टक्के केला. सादर केल्ल्या कागदपत्रांत म्हणलां, टेरीफा वांगडा अमेरिका एक गिरेस्त देश आसा आनी ताचे बगर तो एक गरीब देश.
राष्ट्राध्यक्षा प्रमाण एका वर्सा आदीं संयुक्त राज्य अमेरिका एक मृत देश आशिल्लो आनी आतां आमचे वांगडा इतलो वायट वेव्हार करपी देशां वतीन दितात त्या खरबांनी डॉलरांचे वसुलीक लागून अमेरिका परतून एकट घटमूट, अर्थीक नदरेन व्यवहार्य आनी सन्मानीत देश आसा, अशेंय सादर केल्ल्या कागदपत्रांनी म्हणलां. फाटल्या सप्तकांक एका अमेरिकी अपील न्यायालयान निवाडो दिल्लो. तातूंत म्हणिल्लें ट्रंपा वतीन लायिल्ले कितलेशेच टेरीफ बेकायदो आसात, पूण टेरीफाक आसा तशेच दवरिल्ले, कारण सरकाराक ते सर्वोच्च न्यायालयांत व्हरपा खातीर ऑक्टोबराचे 15 दीस मेरेन वेळ मेळचो. टेरीफान संवसारीक वेपाराचेर परिणाम केला, अशेंय न्यायालयान म्हणिल्लें.
ट्रंप हांची न्यायालयाच्या निवाड्याचेर टिका
ट्रंपान न्यायालयाच्या निवाड्याचेर खर टिका केल्ली. आमचे टेरीफ काडपाक जाय, अशें अपील न्यायालयान चुकीचें म्हणलां. निमाणे कडेन तांकां खबर आसा संयुक्त राज्य अमेरिकाच जिखतली, अशें ट्रंपान ट्रूथ सोशलाचेर पोस्ट केल्लें. सर्वोच्च न्यायालयाचे मजतीन हाका विरोध करतले, अशेंय ताणें म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
