भांगरभूंय | प्रतिनिधी
दावणगिरी, खबरां संस्था: कर्नाटकांतल्या हरिहर हांगचे भाजप आमदार बी. पी. हरीश हांचेर बायलां पलीस अधीक्षकांनी सुण्या कडेन तुळा केल्ले खातीर गुन्यांव नोंद केला.
हरीश हांणी हालींच पत्रकार परिशदेंत दावणगिरीचे पुलीस अधीक्षक (एसपी) उमा प्रशांत हांचेर टिका करतना तांचो पोमेरेनियन डॉग असो अपमान करीत उल्लेख केल्लो. तांणी आरोप केलो, एसपी उमा प्रशांत कॉंग्रेसीच्या प्रभावी शमनूर कुटुंबियांक विशेश मान दितात, मात म्हजे कडेन अडनदर करतात. हांव बसकेक गेल्यार ती म्हजे कडेन सारकें लक्ष दिना. मात शमनूर कुटुंबा खातीर (शिवशंकरप्पा, तांचो मंत्री पूत एस. एस. मल्लिकार्जुन आनी खासदार प्रभा मल्लिकार्जुन) तीं एक वर गेटीचेर रावता, जणू काय ती तांच्या घरांतलें पोमेरेनियन सुणोच आशिल्ले वरीं, अशें विधान हरीश हांणी केल्लें.
ह्या वक्तव्या उपरांत एसपी उमा प्रशांत हांणी कागाळ दाखल केली. ते प्रमाण आमदार हरीश हांचेर भारतीय न्याय संहिता कलम १३२ (शासकीय अधिकार्याक आडमेळीं निर्माण करप) कलम ३५१(२) (गंभीर धमकी दिवप) आनी कलम ७९ (बायलांचो अपमान करप) खाला गुन्यांव नोंद केला.
शमनूर कुटुंब हे मध्य कर्नाटकांतलें प्रभावी राजकीय घराणें. शमनूर शिवशंकरप्पा हें कॉंग्रेसीचे ज्येश्ठ फुडारी आशिल्ल्यान आदले मंत्री आनी पक्षाचे सगल्यांत ज्येश्ठ आमदां मदले एक. तांचो पूत एस. एस. मल्लिकार्जुन हे सिद्धरामय्या हे सरकारांत खाणकाम, भूगर्भशास्त्र आनी बागायती मंत्री आसात. जाल्यार सुन प्रभा मल्लिकार्जुनही कॉंग्रेसीची खासदार जावन आसा
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
