भांगरभूंय | प्रतिनिधी
नवी दिल्ली, खबरां संस्था: तुमकां हे दिवाळेच्या सप्तकांत तुमच्या सोयर्यांक मेळपाक वचपा खातीर विमानान वचपाचें आसल्यार तुमकां १.५ पट चड खर्च करचो पडटलो. १९ ते २५ ऑक्टोबर ह्या काळांत मुखेल देशां खालच्या मार्गांचेर सरासरी इकॉनॉमी विमानभाडें फाटल्या वर्साचे तुळेंत ५२% वाडलां. हाचें कारण म्हणल्यार रुपया देंविल्ल्यान वाडिल्लो खर्च आनी विमानांच्या उणावाक लागून नेटवर्कची तांक उणी जावप.
ट्रॅव्हल वेबसायट इक्सिगोचे आंकडेवारी प्रमाण, अंदुंच्या दिवाळेच्या सप्तकांत मुंबय-पाटणा मार्गार सरासरी इकॉनॉमी भाडें १४,५४० रुपया आसा. फाटल्या वर्साच्या दिवाळेच्या सप्तकांत (३० ऑक्टोबर ते ५ नोव्हेंबर) ते ९,५८४ रुपया आशिल्लें. म्हळ्यार तातूंत ५२% वाड जाल्या. बंगळुरू-लखनव मार्गावेलें सरासरी भाडें ९,८९९ रुपया आसा, जें फाटल्या वर्सा ६,७२० रुपयांनी आशिल्लें. म्हळ्यार ह्या मार्गावेलें भाडें ४७% वाडलां. हेंय लक्षांत घेवपा सारकें आसा, हो भाडें स्तर ५०-६० पयलीं विकत घेतिल्ल्या तिकिटां खातीर आसा. दिवाळेच्या सप्तका खातीर तिकेट घेवप आतां आनी म्हारग आसपाक शकता. अंदूं दिवाळी २० ऑक्टोबराक आसा, जाल्यार फाटल्या वर्सा ती ३१ ऑक्टोबराक आशिल्ली
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
