भांगरभूंय | प्रतिनिधी
म्हापशें : म्हापशें मार्केटांतल्या एका कपड्यांच्या दुकानाक अचकीत उजो लागिल्ल्यान ह्या वाठारांत बरोच बोवाळ निर्माण जालो. हो उजो शॉर्टसर्कीटाक लागून लागिल्ल्याचो अदमास आसा.
उजो लागिल्ल्याची म्हायती मेळटांच म्हापशें उजो पालोवपी दळ घडणुके सुवातेर पावलें आनी उजो नियंत्रणांत हाडपाचो यत्न केलो. ह्या उज्यांत कोणाक कांय जावंक ना. दुकानांतल्यान येवपी धुंवर दिसतांच दुकानांतले कर्मचारी आनी हजर आशिल्ल्या नागरिकांनी कपड्यांचो सांठो सुरक्षीत सुवातेर हालोवपाचो यत्न केलो.
मजगतीं, उजो पालोवपी जवानांक घडणुके सुवातेर पावतना रस्त्यार उब्यो आशिल्ल्या वाहनांक लागून बर्योच आडखळी निर्माण जाल्यो. उजो नियंत्रणांत हाडपाक जरी येस आयलें तरी लुकसाणाचें नेमकें प्रमाण आजूनय स्पश्ट जावंक ना
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
