भांगरभूंय | प्रतिनिधी
चंदीगड : पंजाब सरकारान राज्यांतल्या सगल्या २३ जिल्ह्यांक हुंवार येवपी जिल्हे म्हणून घोशीत केल्यात. आतां मेरेन हुंवाराक लागून ३० जाणांक मरण आयलां. जाल्यार ३.५ लाखां परस चड लोकांक फटको बसला. धरणांतल्या उदकाच्या सांठ्यांतलें उदक बरें भरिल्ल्यान न्हंयांतलें उदक धोक्याच्या पांवड्यार पावलां. हाका लागून खुबश्या जिल्ह्यांक सतर्क रावपाची शिटकावणी दिल्या.
मंत्री हरदीपसिंग मुंडीयन हांणी, हुंवाराचो फटको सगल्या २३ जिल्ह्यांक बसला. राज्यांतले १,४०० गांव प्रभावीत जाल्ल्यान ३,५४,६२६ लोक संकश्टांत सांपडल्यात. आतां मेरेन सुमार २०,००० लोकांक सुरक्षीत थळांचेर हालयल्यात.
हुंवाराक लागून १,४८,५९० हॅक्टरावेलीं उबीं पिकां नश्ट जालीं. गुरदासपूर, मंसा, अमृतसर, कपूरथला, फाजीलपूर, तरन तारन आनी होशियारपूर हे सगल्यांत चड प्रभावीत जाल्ले जिल्ले आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
