भांगरभूंय | प्रतिनिधी
पणजी : वागातोर-हणजूण दर्यादेगेर सकाळीं घडिल्ल्या एका भिरांकूळ प्रसंगांत चार नुस्तेंकारांचो जीव वाटवलो. नुस्तेंमारी खातीर चार जाण दर्यांत व्हडीं घेवन गेल्ले. खवदळिल्ल्या दर्याच्या नेटान येवपी ल्हारांक लागून नुस्तेमार्यांचें व्हडें उमथलें. जीव वाटोवपा खातीर तांणी लायफ जॅकेटाचो आदार घेतलो. शिवोलचो राज चोडणकार (२५) आनी ताचे वांगोडी आकाश (२३), अंजुली एक्का (२५) आनी संजय सेक्का (२४) हे चोवगूय दर्यांत बुडपाचे स्थितींत आशिल्ले.
प्रसंग वळखून राज हांणी बेगोबेग आपल्या इश्टांक फोन केलो. उपरांत थंय शिवोले-गुडेचे बृजेश नायक, उत्कर्ष खोरजुवेंकार, वैभव खोरजुवेंकार आनी सर्वेश चोडणकार हांणी धांव घेवन दर्यादेगेर पावले. पुलीस, लायफगार्ड आनी म्हापशें उजो पालोवपी दळाचे मजतीन सगल्या नुस्तेमार्यांक सुरक्षीत भायर काडले. व्हड्याचें व्हडा प्रमाणांत लुकसाण जालें. तरी चार जाणांचो जीव वाटवलो
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
