भांगरभूंय | प्रतिनिधी
पणजी : जांबोटी चोर्ला-गोंय मार्गार येरादारी आडकून उरिल्ल्यान लोकांक बरेच त्रास सोंसचे पडले. कालमनी आनी आमटे गांवां मजगतीं आयतारा रातीं उसरां सावन येरादारी ठप्प जाली. जड येरादारी करपी एक लॉरी रस्त्या मदींच बंद पडिल्ल्यान आडखळ निर्माण जाली. उपरांत दुसरी लॉरी रस्त्या कुशीकच्यान काडपाचो यत्न करतना रस्तो खचून ती उमथली. हाका लागून रस्त्याचे दोनूय वटेन वाहनांच्यो रांको लागल्यात. प्रवाशांक वरांचीं वरां वाट पळोवची पडटा.
सध्या पुलीस आनी प्रशासन घडणुके सुवातेर पावल्यात. बंद पडिल्ली तशेंच कुशीक उमथी पडिल्ली लॉरी कुशीक काडपाचें यत्न सुरू आसात. मात रस्तो खचिल्ल्यान येरादारीक आजूनय धोको आशिल्ल्यान आडमेळीं येतात.
मजगतीं, अधिकार्यांनी नागरिकांक सध्या ह्या मार्गाचो वापर करचो न्हय आनी पर्यायी मार्ग वापरपाचो उलो मारला. येरादारी सुरळीत करपाक नेटान यत्न चालूच आसात. सुरक्षितताय सुनिश्चीत जाले उपरांतूच रस्तो परत प्रवासी आनी येरादारी खातीर उक्तो करतले, अशी म्हायती प्रशासनान दिली
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
