भांगरभूंय | प्रतिनिधी
पणजी : अंदूं गोंयांत रोजांची लागवड करपी 244 परस चड शेतकारांनी शेतकी खात्याकडे नोंदणी केल्या आनी शेतकी खात्यान ह्या शेतकारांक सुमार 11,500 लाख रुपयांचें अनुदान ह्या वर्सा खातीर दिलां, अशी म्हायती शेतकी संचालनालयान दिली.
गोंयांत रोजांची लागवड करपा खातीर शेतकी खातें दर हॅक्टरा फाटल्यान 75 हजार रुपया अनुदान दिता. अंदूं 2024-25 त गोंयांतल्या 244 शेतकारांनी आपली शेता रोजांचे मळ्यांनी फुलयल्यात आनी शेतकी खात्यान हे शेतकारांक 11.54 लाख इतले अनुदान दिलां. सगल्यांत चड रोजांची लागवड करपी 156 शेतकार केपें म्हालांत आसात आनी ह्या शेतकारांक सगल्यांत चड 3.63 लाख रुपयांचें अनुदान फावो जालां. जाल्यार रोजा लावपी सगल्यांत उणे शेतकार साश्ट म्हालांत आसात. साश्ट म्हालांत एकाच शेतकाराक 5900 रुपयांचें अनुदान फावो जालां. शेताच्या आकारा प्रमाण दर शेतकाराक उण्यांत उणें 800 रुपया ते 56,000 हजार रुपयांचें अनुदान फावो जालां. सत्तरी म्हालांतल्या फक्त दोनूच लाभार्थ्यांनी 50 हजारां परस चड अनुदान हे येवजणे वरवीं घेतलां. फक्त तिसवाडी आनी मुरगांव म्हाल सोडल्यार हेर सगल्या म्हालांनी रोजांचे मळे लायतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
