भांगरभूंय | प्रतिनिधी
मुंबय, खबरां संस्था ः रिलायन्स इंडस्ट्रीज हो देशांतलो एक व्हड उद्देगीक गट. ह्या उद्देग गटान आतां मेरेन जायत्या मळार विस्तार केलां. आतां मुकेश अंबानी हांच्या रिलायन्स इंडस्ट्रीज कंपनीन आनीक एक व्हडलें पावल उबारलां. ह्या उद्देगीक गटान नव्या उपकंपनीची घोशणा केल्या. रिलायन्स इंडस्ट्रीजचे अध्यक्ष मुकेश अंबानी हांणी वर्सुकी सादारण बसकेंत (AGM) ही घोशणा केली. हे कंपनीचें नांव ‘रिलायन्स इंटेलिजन्स’ अशें आसतलें.
रिलायन्स इंडस्ट्रीज कंपनीन शुक्रार, 29 ऑगस्टाक भारतांत आपले 48वे वर्सुकी सादारण बसके उपरांत (AGM) जायत्या उत्पादनांचें अनावरण केलें. ह्या कार्यावळींत तांणी जिओ फ्रेम्स ही एआय-चलित स्मार्ट ग्लास लाँच केलो जो स्वता फोटो काडूंक शकता.
तेच बरोबर कंपनीन क्लाउड संगणक जिओ पीसी लाँच केलो. हो भारतांतलो पयलो एआय-रेडी क्लाउड-आदारीत व्हर्च्युअल डेस्कटॉप सेवा आसा. हाचे वरवीं तुमकां मॉडेमा वरवीं तुमच्या टीव्हीचें रुपांतर संगणकांत करपाक मेळटलें.
हाचे भायर कंपनीन आर्टिफिशियल इंटेलिजन्स (AI) खाशेलपणांय सुरू केलीं. तातूंत नवीन सर्च असिस्टंट रिया, रिलायन्स इंटेलिजन्स, व्हॉयस प्रिंट, जिओलेन्स आनी मॅक्सव्ह्यू 3.0 हांचो आस्पाव आसा. जियो हॉटस्टार अॅप आनी हेर सेवांनी हीं खाशेलपणां उपेगी पडटली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
