भांगरभूंय | प्रतिनिधी
मडगांव: गायक, संगीतकार, अभिनेते पुरुषोत्तम पै हांचे यशप्रभा संस्थे वतीन आयतार 31 ऑगस्टाक सांजवेळार 5.05 वरांचेर ‘कोंकणी गीतांचो झेलो’ ही कार्यावळ पणजी दूरदर्शनाच्या ‘जायो जुयो’ कार्यक्रमांत पळोवपाक मेळटली. हीं सगलीं गितां तांणीच बरोवन संगीतबद्ध केल्यांत. ‘कोंकणी गीतांचो झेलो’ चो हो सातवो वांटो.
ही कार्यावळ ‘टाटा प्ले’ च्या चॅनल क्रमांक 1995 चेर दिसतली.
हातूंत पद्मजा शेणवी काकोडकार, श्वेता मांद्रेंकार, दिगेश पै आंगले हे वांटो घेतले. गितांक विनय नायक, साईराज केरकार, सुशिल कुमार द्विवेदी, अजीत फडटे, रोहित खांडोळकार हांणी संगीत साथ दिल्या. सुत्रसंचालन स्नेहल संझगिरी करतली. विनय नाईक हे संगीत संयोजक आसात. निमिर्ती राजेंद्र फडटे हांची आनी दूरदर्शन खातीर मुख्य निर्मिती सावियो नोरोन्हा हांची आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
