भांगरभूंय | प्रतिनिधी
पणजी : चवथीक तरी हो पावस थारो धरतलो म्हणून लोक आसले. मात हे दोन दीस पावसाचो नेट आनीक वाडलो. फाटल्या चोवीस वरांनी अंदूच्या पावसाच्या हंगामांतली विक्रमी नोंद जाल्या. राज्यांत बिरेस्तारा सकाळीं ८.३० मेरेन चोवीस वरांत सरासरी ६.३८ इंच पावसाची नोंद जाली.
मजगतीं सांखळे ८.१२ इंच, सांग्यार ७.४८ इंच, फोंड्यां ७.३१ इंच, केपें ७.०८ इंच, धारबांदोड्यां ६.९४ इंच, म्हापश्यां ६.७७ इंच, पोरणें गोंयां ६.३९ इंच, काणकोणां ६.०९ इंच, पणजे ५.७५ इंच, मुरगांव ३.७५ इंच जाल्यार दाबोळे ३.६५ इंच पावसाची नोंद जाली. १ जून ते २८ ऑगस्ट मजगतीं राज्यांत सरासरी १०९.२२ इंच पावसाची नोंद जाली.
राज्यांत मंगळार सावन पावसाचो नेट वाडलो. चवथीच्या दिसाय पावस सेगीत झडतूच आसलो.
मजगतीं, राज्यात १ जून ते २८ ऑगस्ट मेरेन १४ मदल्या ८ केंद्रांनी पावसाचो शेकडो पुराय जाला. वयल्या काळांत सांग्यांर१४३.६२ इंच, धारबांदोड्यां१४३.५३ इंच, केप्यां १३४.१४ इंच, वाळपय १३१.४६ इंच, फोंड्यां ११६.४८ , सांखळे ११३.१० इंच, काणकोणां १०५.५० इंच आनी पोरणें गोंयां १०३.५१ इंच पावसाची नोंद जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
