भांगरभूंय | प्रतिनिधी
पणजी : पंजाबांत खून प्रकरणांत वॉन्टेड आशिल्ल्या आरोपीक म्हापशें पुलिसांनी हणजूणच्यान ताब्यांत घेतलो. अटक केल्ल्या आरोपीचें नांव विष्णु बिश्नोई (३२, रा. जोधपूर, राजस्थान) अशें आसा. पंजाब पुलिसां कडल्यान मेळिल्ले गुपीत म्हायती उपरांत ही कारवाय केली. आरोपी आपल्या स वांगोड्यां वांगडा हणजुणच्या एका हॉटेलांत लिपिल्ल्याचें पुलिसांक समजलें.
हे विशीं उत्तर गोंय पुलीस अधीक्षक राहुल गुप्ता हांणी दिल्ले म्हायती प्रमाण, बिश्नोई आड पंजाबच्या फाजिल्का जिल्ह्यांतल्या आबोहर पुलीस स्टेशनांत खून प्रकरणांत गुन्यांव दाखल आसा. तशेंच एसएएस नगरच्या राज्य गुन्यांव पुलीस स्टेशनांत शास्त्र कायद्या खाला ताचेर खटलो सुरू आसा.
मंगळारा म्हापश्यां पुलिसांच्या २० जाणांच्या विशेश पंगडान ही मोहीम राबयली. आरोपीक पंजाब पुलिसां कडेन दिले. जाल्यार तांचे वांगडा आशिल्ल्या स जाणांचो ह्या गुन्यांवा कडेन कांयच संंबंद नाशिल्ल्यान तांकां शिटकावणी दिवन सोडले
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
