भांगरभूंय | प्रतिनिधी
पणजीः राज्यांतल्या सगल्या १९१ पंचायतींनी आपलो कारभार ऑनलायन चलोवपा खातीर सगल्यो सुविधा आसात. तातुंतल्यान ९९ टक्के ग्रामपंचायतींनी आपलो ग्राम पंचायत उदरगत आराखडो (जीपीडीपी) ऑनलयान अपलोड केला. मात फकत ३७ टक्के ग्रामपंचायती ऑनलायन पेमेंट स्विकारतात, अशी म्हायती केंद्रीय पंचायत राज मंत्रालयान दिली.
डिजीटल इंडीया उपक्रमा सकयल पंचायत राज मंत्रालय सगल्या राज्य आनी संघ प्रदेशांत इ-पंचायत मिशन मोड प्रकल्प राबयता. ह्या प्रकल्पाचो खाशेलो उपक्रम म्हळ्यार इ-ग्राम स्वराज प्लॅटफोर्म जें पंचायतीं खातीर नियोजन, अर्थसंकल्प थारोवप, हिशोब दवरप आनी कामाचेर देखरेख दवरपा खातीर एक ऑनलायन माची जावन आसा. ते भायर इ-ग्राम स्वराजाचे भौशीक आर्चीत वेवस्थापन यंत्रणेंत विलिनिकरण करून लोकांक तशेंच सेवा दिवप्यांक रिअल टायम पेमेंट करपाक सक्षम केला.
राज्यांतल्या सगल्या १९१ पंचायतींनी इ-ग्राम स्वराज प्लॅटफोर्माचेर नोंदणी केल्या. तातूंतल्या फक्त १८९ पंचायतींनी आपलो जीपीडीपी इ-ग्राम स्वराज पोर्टलाचेर अपलोड केला. जाल्यार १९१ मदल्यो फकत ७१ पंचायती ऑनलायन पेमेंट स्विकारतात. ह्या पंचायतीनी ५०२ अर्ज ओनलायन स्विकारून ८ कोटी इतलें ट्रान्जेक्शन केलां
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
