भांगरभूंय | प्रतिनिधी
मारगांव: ओएनजीसी, बेतुल हांगच्या युनिव्हर्सल कॉन्ट्रॅक्टर्स अँड इंजिनिअर्सचे शिवम आनी राम लखन हे कामगार १५ ऑगस्ट सावन बेपत्ता आसत. ह्या प्रकरणांत कंपनीच्या बिहारच्या चार कामगारांचेर अपहरणाचो गुन्यांव नोंद केला.
ओएनजीसी, बेतुलच्या युनिव्हर्सल कॉन्ट्रॅक्टर्स अँड इंजिनिअर्सच्या रमेश चंद हांणी कुंकळ्ळी पुलीस स्टेशनांत कागाळ नोंद केल्या. १५ ऑगस्टाक रातच्या १२ वरांचेर कंपनीच्या कामा खातीर बिहारच्यान आयिल्लो दुबावीत अर्जुन गोंड, मनदीप कुमार, रफिक अन्सारी आनी सोनू कुमार हांचो उत्तरप्रदेशच्यान आयिल्लो शिवम आनी राम लखन ह्या कामगारां कडेन वाद जालो. उपरांत शिवम आनी राम लखन हे दोगूय कामगार बेपत्ता आसात. कुंकळ्ळी पुलिसांनी दोगांचोय त्या वाठारांत सोद घेतलो. मात ते खयच मेळूंक नात. कुंकळ्ळी पोलिसांनी संशयित चार कामगारांचेर कामगारांक फटोव्लन तांचें अपहरण केल्ल्या प्रकरणांत गुन्यांव नोंद केला. ह्या प्रकारणांत पुलीस निरीक्षक डायगो ग्रॅसीअस हांच्या मार्गदर्शना खाला उपनिरीक्षक किशोर वेळीप तपास करतात
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
