भांगरभूंय | प्रतिनिधी
पणजी : सध्या देशभर प्रधानमंत्री नरेंद्र मोदी हांचे पदवेचो मुद्दो गाजता. हाचेवेलें लक्ष भरकटोवपा खातीर आप फुडारी सौरभ भारद्वाज हांच्या घरा ईडीन धाड घाली. ह्यान पयलींय ईडीन आप फुडार्यांचेर छापे मारिल्ले. मात तांच्या हाताक कितेंच लागूंक ना, अशें आप फुडारी वाल्मिकी नायक हांणी सांगलें. मंगळारा पणजे जाल्ले पत्रकार परिशदेंत ते उलयताले. ह्या वेळार चेतन कामत हजर आशिल्ले.
ईडीन भारद्वाज हांचेर केल्ले आरोप चुकीचे आसात. मुळांत ज्या प्रकरणा खातीर ईडीन धाड घाल्या तेन्ना भारद्वाज मंत्रीय नाशिल्ले.
हो सगलो प्रकारण मोदींचे पदवी प्रकरणाचेर चर्चा जावची न्हय म्हूण जाला. म्हायती अधिकार कायद्या खाला दिल्ली विद्यापीठान मोदींची पदवी दाखोवपाक न्हयकार दिल्लो. हे विशीं म्हायती आयुक्तांनी हाचे आड निकाल दिले उपरांत हें प्रकरण दिल्ली उच्च न्यायालयांत गेलें.
ह्या न्यायालयानूय वयक्तीक म्हायती आशिल्ल्याचें सांगून पद्वी जाहीर करची न्हय असो आदेश दिलो. मुळात दिल्ली विद्यापीठान पदवी लिपोवन दवरप अयोग्य आसा. हाचे उलट तांणी देशाचे प्रधानमंत्री आमच्या विद्यापीठांत शिकल्यात हें अभिमानान जगजाहीर करपाक जाय. २०१६ वर्सा भाजप फुडार्यांनी पत्रकार परिशद घेवन मोदींची पदवी दाखयिल्ली. उपरांत आपान ही पद्वी फटींग आशिल्ल्याचें सांगिल्लें. ताचे उपरांत ती पदवी कोणाकूच दिसूंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
