भांगरभूंय | प्रतिनिधी
परिपत्रक जारी
पणजी : थळाव्या माटोळी विक्रेत्यां कडल्यान सोपो घेवचो न्हय अशें परिपत्रक काडपाक शेनवारा, आयतारा मात्सो उशीर जाल्लो. मात आयज तें जारी केलें. विवीध पालिका प्रशासनांक तें मेळ्ळांय. पालिकांनी थळाव्या माटोळी विक्रेत्यां कल्यान कसलेच तरेचें सोपो शुल्क घेवचें न्हय असो उलो मुख्यमंत्री डॉ. प्रमोद सावंत हांणी मारला.
हे विशीं फोंड्यां बाजारांत माटोळी विक्रेत्यां कडल्यान सोपो घेवपी मनशाचो व्हिडिओ व्हायरल जाल्लो. हातूंत एका विक्रेत्यान मुख्यमंत्र्यांनी अधिवेशनांत थळाव्या माटोळी विक्रेत्यांकडल्यान सोपो घेवचे ना अशें आस्वासन दिल्लें अशें सांगलें. हाचेर सोपो एकठांय करप्यान हे विशीं फोंडें पालिका वा आपल्याक कसलीच म्हायती दिवंक़ नाशिल्ल्याचें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
