भांगरभूंय | प्रतिनिधी
पणजी: ता. ०५/०८/२०२५ गोवा कोंकणी अकादेमीन २०२५-२०२६ ह्या अर्थीक वर्सा खातीर फुडल्यो येवजण्यो जाहीर केल्यात आनी इत्सूक लेखकांकडल्यान /प्रकाशकांकडल्यान अर्ज मागयल्यात.
येवजण्यो अश्यो आसात
-पयलो चंवर येवजण- (लेखकाचें पयलें पुस्तक उजवाडावपा खातीर ७५% अर्थीक पालव),
-साहित्य प्रभा येवजण- (पुस्तक उजवाडावपा खातीर ७०% अर्थीक पालव)
-प्रतिभा सन्मान येवजण- (प्रकाशन पालव- प्रकाशका कडल्यान पुस्तकां विकती घेवप- जानेवारी २०२३ ते डिसेंबर २०२४ मेरेनची पुस्तकां )
-बालसाहित्य प्रकाशन (पुस्तक उजवाडावपा खातीर ७०% अर्थीक पालव)
तशेंच इत्सूक संस्थाकडल्यान/विद्यार्थ्यां कडल्यान अर्ज मागयल्यात, त्यो येवजण्यो अश्योः शिक्षणीक, बालसाहित्य, लोकवेद, अणकार, संगीत ह्या विशयाचेर कृतिसत्रां/शिबिरां आयोजना खातीर अर्थीक पालव (५० जाणाचे सेये खातीर २५ हजार रक्कम आनी १०० जाणाचे सेये खातीर ४२ हजार रक्कम) लेखक तुमचे भेटेक आनी विद्यार्थी लेखकाचे भेटेक- (शिक्षणीक क्षेत्रांतल्या संस्थानी अर्ज करप), कोंकणी शिक्षणीक शिश्यवृत्ती (बी.ए./ एम.ए./ पिएच.डी.) पांवड्यांर गोंयांत शिकपी विद्यार्थ्या खातीर शिश्यवृत्ती), कोंकणी संगीत कार्यावळ निर्मीती- (संगीत क्षेत्रांत कार्य करपी संस्थाकडल्यान अर्ज ) लोकवेद संशोधनवृत्ती/ लोकवेद प्रकल्प- (डॉक्युमेंटेंशना खातीर आनी संशोधना खातीर अर्थीक पालव)
तशेंच ह्या येवजण्याची अर्जीपत्रां अकादेमीच्या गोवा संचार भवन, बी.एस.एन.एल.बिल्डींग, ५ वो माळो, पाटो, पणजी-गोंय हांगच्या कार्यालयांत उपलब्ध आसात. इत्सुकांनी अर्ज बरोवन दिवपाची निमणी तारीख २६/०८/२०२५ आसली ती वाडोवन ता. १२/०९/२०२५- केल्या हाची नोंद सगळ्यांनी घेवची, अशें अकादेमीन जाहीर केलां. चड म्हायती खातीर अकादेमीच्या ७७७५८९१८५७ ह्या फोनाचेर संपर्क करचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
