भांगरभूंय | प्रतिनिधी
पणजी : पोरणें गोंयां आयतारा सकाळीं रस्त्या कुशीक एका तरणाट्याची कूड मेळिल्ल्यान सगल्याक बोवाळ जाला. कुडी लागसार बॅग आनी हेर वयक्तीक सामान मेळ्ळां. ताच्या शरिराचेर जखमेच्यो स्पश्ट खुणो आशिल्ल्याचें थळाव्यांनी सांगलें.
हे विशीं मेळिल्ले चड म्हायती प्रमाण, मरण आयिल्लो मनीस पोरणें गोंयां एका बिर्याणी दुकानांत काम करतालो. कामाचे सुवातेरूच ताची रावपाची वेवस्था केल्ली. कुडी शेजराकूच ताचे कपडे आनी हेर वस्तू सांपडिल्ल्यान तो ह्याच दुकानांत काम करता अशें निश्चीत जालें.
हे विशीं म्हायती मेळटांच पोरणें गोंय पुलिसांनी घडणुके सुवातेर येवन पंचनामो केलो. हे विशीं मुळावे चवकशे उपरांत कुडीचेर सांपडिल्ल्या जखमांक लागून घात
पाताचा अदमास उक्तायला. तरी मरणाचें नेमकें कारण कितें हे विशीं आजूनय स्पश्ट जावंक ना. पुलिसांनी कूड ताब्यांत घेवन ती पोस्टमार्टमा खातीर धाडल्या. पुलीस फुडलो तपास करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
